Qaban qaabada shirka wadatashiga oo Muqdishu ka socota
-
- Posted On 19-09-2015, 08:45AM
19 September, 2015(GO)-Waxaa magalada Muqdishu ka socda qaban qaabada shirka looga tashanayo doorashada 2016 oo furmi doona maalinta Axadda 20 September.
Shirkan waxaa looga dhawaaqay magalada Kismayo, xilli madaxda DFS iyo maamullada dalka ka qayb galeen caleema saarkii Axmed Madoobe.
Wufuud kala duwan oo ka socota beesha caalamka iyo maamul goboleedyada ayaa ku wajahan xarunta dalka Somalia ee Muqdishu.
Shirka waxaa la qorshaynayaaa in looga hadlo nooca ay tahay doorashada ka dhici doonta Somalia 2016, waxaana qayb ka ah shirkaasi sida xogto nagu soo gaarayso xubno matalaya bulshada Rayidka ah.
Sannadka 2016 dalka Somalia waxaa la qorsheyay inay ka dhacdo doorasho hal qof iyo hal cod ah, balse DFS ayaa shaacisay inaysan dhici karin, waana sababta keentay in shirkan lagu dhawaaqo.
GAROWEONLINE
