Sarkaal Al-shabab ah oo isu soo dhiibey ciidanka Jubaland
-
- Posted On 12-08-2015, 08:39AM
August 12, 2015 (GO)- Sarkaal horay uga tirsanaa Al-shabaab ayaa isu soo dhiibey ciidamada Jubaland ee fadhigoodu yahay magaalada Baardheere.
Sarkaalka isa soo dhiibey oo lagu magacaabo Ciise Cabdi (Ilko-case) wuxuu Al-shabaab ugu qaybsanaa dhanka soo ururinta zakawaatka.
Faarax Cabdi Casharo oo kamid ah saraakiisha ammaanka ee maamulka Jubaland ayaa warbaahinta u xaqiijiyey in ninkaasi xilligan gacantooda ku jiro, isagoo intaas raaciyey in markii uu isa soo dhiibayey keligiis ahaa balse uu watey qori noociisu yahay AK47.
Casharo oo wax laga weydiiyey qaabka ay ku suuragashay in sarkaalka horay uga tirsanaa Al-shabaab kusoo gaaro Baardheere, wuxuu sheegay in uu xiriiro badan badan lasoo sameeyey laamaha ammaanka lagana war qabey imaanshihiisa.
Ma ahan markii ugu horreysey ee saraakiil Al-shabaab ka tirsani isu soo dhiibaan ciidamada ammaanka Jubaland.
GAROWE ONLINE
