Shir u dhaxeeya Madaxda DFS iyo maamullada oo Muqdishu ka furmaya
-
- Posted On 18-10-2015, 08:47AM
18 Octobar, 2015(GO)-Waxaa la qorshaynayaa in magalada Muqdishu ka furmo shir looga hadlayo doorashada 2016, kaasi oo u dhaxeeya madaxda Dowladda Federaalka Somalia iyo maamullada dalka.
Kulanka waxaa ka qayb galaya wufuud ka socota Puntland, Jubbaland, Koonfur Galbeed Somalia iyo Galmudug.
Waxaa jira tabashooyin ay qabaan maamulada qaybtood, waxaana ka mid ah Jubbaland oo ka cabanaysa in dowladda Federaalka Somalia ku tilmaamayso weli KMG, halka ay jiraan tabashooyin uu qabo maamulka Puntland.
19-21 September ayay ahayd markii magalada Muqdishu lagu qabtay shir gogol xaar u ahaa kan maanta furmaya, waxaana jiray khilaaf hareeyay inta uu socday, iyadoo ka soo baxeen war-murtiyeedyo is khilaafsan.
Arrintaasi ayaa weli taagan oo aysan jirin xal muuqda oo laga gaaray, waxaana macquul noqon karta inuu saameeyo kulanka maanta.
Dowladda Somalia ayaa sheegaysa inay wixii tabashooyin ah ee jira si wadajir ah loo xallinayo balse muhiimadu tahay in la wadatashado.
Wixii ka soo kordha, waxaan idiin ku soo gudbin doonaa wararkeena dambe
GAROWEONLINE
