Somalia: Turkiga oo gawaari aan Xabaddu karin ku wareejiyay ciidanka Asluubta
-
- Posted On 23-10-2016, 05:04PM
MUQDISHU, Somalia- Dowladda Turkiga ayaa Basas Nooca aan rasaasta Karin ugu deeqday Taliska Ciidanka Asluubta Soomaaliyeed, waxaana kala wareegay Safiirka Dowladda Soomaaliya u fadhiya Dalka Turkiga Amb Cabdullaahi Maxamed Cali (Sanbaloolshe), oo ay wehliyeen Howlwadeeno Safaaradda ka tirsan.
Basaska oo tiradooda ay tahay Labo ayaa loogu talo galay in loogu adeego Maxaabiista Xabisyadda dalka ku xiran ,waxaana Safaaradda Soomaaliya ee Turkiga ay soo saartay Markab iyadoo dalka ay soo gaari doonaan Dhawaan.
Safiirka Dowladda Soomaaliya u fadhiya Turkiga Danjire Cabdullaahi Maxamed Cali (Sambaloolshe),ayaa Dowladda Turkiga uga mahadceliyey Taageerada ay siinayaan Ciidamadda qaranka, isagoo timaamay in basaskan Caalamiga ah ee Turkiga ay ugu deeqeen Ciidanka Asluubta uu wax badan ka badali doonno howlaha Hormarineed ee Ciidanku kawadaan Xabsiyada dalka ,isagoo xusay Safiirka in Iminka Horumar aad u balaaran laga dareemayo Xabsiga dhexe ee Xamar.
Taliyaha Ciidanka Asluubta Soomaaliyeed Sareeyo Guud Bashiir Maxamed Jaamac, ayaa sheegay in Basaska aan xabaddu Karin ay u qorsheeyeen markii ay si toos ah Taliska uu ula wareego in lagu qaado Maxaabiista Xiliga la geynayo Maxkamadaha ,waxaana uu Dowladda Turkiga uu uga mahad celiyey Taageerada ay la garab taaganyihiin Ciidanka Asluubta Soomaaliyeed.
Dowladda Turkiga ayaa waxa ay kamid tahay wadamada sida gaar ah u caawiyo dalka Soomaaliya iyadoo ay xusid Mudantahay in dhawaan Ciidanka Asluubta Soomaaliyed ay ku wareejiyeen Dhar iyo Qalabka ay ugu talo galeen ciidankaasi.
GAROWEONLINE
