Soomaaliya: Ciidamada Milatariga oo Howlgallo Fuliyay 

Muqdisho – Ciidamada Xoogga Dalka Soomaaliya ayaa Isniintii shalay bilaabay howlgallo cusub oo ka dhacay gobolka Shabeellaha Dhexe, iyagoo xoojinaya dagaalka ka dhanka ah kooxda Al-Shabaab.

Sida ay sheegayaan ilo-wareedyo milatari, ciidamada ayaa subaxnimadii Isniinta ku sii qulqulay Ruun-Nirgood, iyagoo iskaashanaya ciidamo deegaanka ah.

Ilo-wareedyo kale ayaa xaqiijiyay in dhowr goobood oo ay Al-Shabaab ku sugnayd ayaa la burburiyay intii lagu guda jiray howlgallada, iyadoo la soo sheegay in dagaalyahannada Al-Shabaab ay ka baxeen deegaankaas.

Sidoo kale, Ciidanka ayaa Maanta dib ula wareegay deegaanka Aboorey oo katirsan gobolka Hiiraan kadib markii ay Al-Shabaab faarujisay, waxaana Kooxda sidoo kale lumisay tuulooyin kale oo muhiim ah, sida ay sheegeen saraakiisha amniga.

Howlgalka ayaa ahaa mid Ciidamada dowladda guul ka gaareen, iyadoo dib u qabsadey deegaanka oo ku yaalla goob istaraatiiji ah.

GAROWE ONLINE