Soomaaliya iyo UK oo ka wada hadlay xoojinta xiriirka labada dal

Bayaan ka soo baxay Baarlamaanka Soomaaliya ayaa lagu sheegay in kulankan uu ku qotomo horumarinta wadashaqeynta.

MUQDISHO, Soomaaliya - Guddoomiyaha Aqalka Hoose ee Soomaaliya Sheekh Aadan Maxamed Nuur Madoobe ayaa Arbacadii magaalada London kula kulmay Guddoomiyaha Baarlamaanka Ingiriiska Sir Lindsay Hoyle oo ay ka wadahadleen xoojinta xiriirka ka dhaxeeya hay’adaha sharci dejinta ee labada dal.

Bayaan ka soo baxay Baarlamaanka Soomaaliya ayaa lagu sheegay in dooda ay ku qotonto horumarinta wadashaqeynta, wadaaga khibradaha Baarlamaanka, iyo in la sahmiyo siyaabaha Baarlamaanka UK uu u taageeri karo hindisayaasha tayo-dhis ee Xildhibaanada Soomaaliyeed.

Guddoomiye Madoobe ayaa sidoo kale kormeer ku tagay xarunta baarlamaanka Ingiriiska, halkaasoo guddoomiye Hoyle uu warbixin guud ka siiyay qaabka ay u shaqeeyaan iyo qaabka ay u shaqeeyaan.

Wafdiga baarlamaanka Soomaaliya ayaa inta ay ku guda jiraan booqashadooda lagu wadaa in ay sidoo kale la kulmaan jaaliyaddaha Soomaaliyeed ee ku dhaqan dalka Ingiriiska iyo safiirka Soomaaliya ee UK, iyaga oo sii xoojinaya xiriirka ay la leeyihiin jaaliyaddaha.

GAROWE ONLINE