Soomaaliya oo "ogolaanaysa" in Itoobiya ay kamid noqoto AUSSOM

Bishii la soo dhaafay, Turkiga ayaa labada dal waxa uu ku heshiisiiyey magaaladda Ankara.

MUQDISHO, Soomaaliya - Dowladda Soomaaliya ayaa ka fiirsaneysa inay ka laabato go’aankeeda ah in ciidamada Itoobiya laga saaro howlgalka cusub ee Midowga Afrika, sidda uu ogaadey Garowe Online.

Tani ayaa muujineysa in la qaboojinayo xiisada u dhaxeysa labada dal. Wasiirka Difaaca Itoobiya Aisha Mohammed Mussa ayaa Khamiista maanta ah soo gaartey Muqdisho si ay qadiyadan meel loo saaro.

Itoobiya ayaa ahaa dalka ugu horreeya ee gacan ka geysta ciidamada ay Qaramada Midoobay taageerto ee dagaalka kula jira maleeshiyada al-Shabaab ee Soomaaliya ku dhawaad ​​labaatan sano.

Khilaaf diblumaasiyadeed ayaa sanadkii hore qarxay ka dib markii Itoobiya u soo bandhigtay inay aqoonsato Somaliland si ay u hesho deked ku taal qaybo kamid ah maamulkas taasoo keentay in dowladda Soomaaliya ay ku tilmaamto faragelinta.

Bishii la soo dhaafay, Turkiga ayaa labada dal ku heshiisiiyey magaalada Ankara, kaasoo u gogol xaarayay in Itoobiya ay dib uga mid noqoto Howlgalka Taageerada iyo Xasilinta Midowga Afrika (AUSSOM).

"Marka la eego in arrimaha la isku hayay lagu xaliyay Baaqa Ankara, Soomaaliya waxay diyaar u tahay inay dib u eegto ka mid noqoshada Ciidanka Difaaca Qaranka Itoobiya ee howlgalka AUSSOM ee soo socda," ayuu yiri diblumaasi la hadlay Garowe Online.

Wararka ayaa intaas ku daraya in maamulka madaxwayne Xasan Sheekh Maxamuud uu ogolaadey in Itoobiya ay howlgalka cusub ee AUSSOM ay ku yeelato in ka badan tiro u dhaxeysa 3,000 illaa 2,000 askari.

Falanqeeyayaasha diblumaasiyadeed ayaa ka digay in ka saarista Itoobiya ay halis gelineyso xiisadda u dhaxeysa dalalka deriska ah, iyadoo Addis Ababa ay wajahayso hanjabaado uga imaanaya Al-Shabaab.

Dec. 27, Golaha Ammaanka ee Qaramada Midoobay ayaa kordhiyey muddada nabad ilaalinta ee Soomaaliya, inkastoo hababka maalgelinta aan la xalin, sidda ay caddeeyeen qaar kamid ah ururadda gobolka.

GAROWE ONLINE