Soomaaliya oo Serbia waydiisatay taageero dhanka ammaanka ah

Wasiirka Amniga Gudaha Soomaaliya General Abdullahi Sheekh Ismaaciil ayaa ku sugan Belgrade.

MUQDISHO, Soomaaliya - Wasiirka Amniga Gudaha Soomaaliya General Abdullahi Sheekh Ismaaciil - Fartaag oo ku guda jira booqashadisii Belgrade Serbia ayaa maanta booqaday Machaddka Daraasaadka Cilmi baarita Amniga Dunidda Siyaasadda Dhaqaalaha iyo Tiknoolajidda ee Vlatacom.

Madaxda Machaddka Vladimir Dr. Vladimir Cizelj ayaa Wasiirka wax bixin guud ka siiyay shaqada ay u xilsaaran yihiin iyo xiriirka Machaddka uu la leeyahay in ka badan 96 dalka oo uu Machaddku la shaqeeyo.

Machaddka Vlatacom ee Serbia oo qabta hawlo aad u fara-badan ayaa Dowladda Soomaaliya u soo bandhiga fursado ay Soomaaliya u baahan tahay oo wax weyn ka tari doono Dowlad dhiska dalkeen, waxaana Wasiirka la tusay howlaha ka socoda xarunta Vlatacom, sidoo kale waxaa lagu wareejiyay documents uu ka xulan doono baahida hortabinta leh ay u qabaan shaqadda khibradda iyo Machaddka Vlatacom uu bixiyo.

Wasiirka Amniga Gudaha General Abdullahi Sheikh Ismail - Fartaag  ayaa mahad balaaran u celiyay Dowladda Serbia iyo dhamaan Madaxda kala ee uu kula kulamay Belgrade Serbia. 

GAROWE ONLINE