Soomaaliya: Qarax ka dhacay magaaladda Muqdisho

MUQDISHO, Soomaaliya - Taliska Booliska Soomaaliyeed ayaa war ka soo saaray qarax argagixiso oo xalay ka dhacay degmada Heliwaa ee magaalada Muqdisho, kaasoo ay ku dhinteen 5 qof oo shacab ah, kuna dhaawacmeen 10 kale.

Qaraxa ayaa lagu aasay Isgoyska SOS ee degmada Heliwaa, waxaana dadka qaraxa uu saameeyay ay saarnaayeen Gaari Mini Bus ah iyo Mooto Bajaaj.

Booliska ayaa sheegay in weerarkan foosha xun ay ka danbeeyeen kooxda AS.

Ciidamada ammaanka oo goobta ku sugnaa ayaa gurmad u fidiyay dadka ay waxyeeladu soo gaartay, waxaana ay wadaan baaritaano ku aadan sida ay wax u dhaceen.

GAROWE ONLINE