Taliyaha Ciidamada Xoogga & Saraakiisha ATMIS oo ka wada hadlay dagaalka ‘AS’

Kulankan ayaa ku soo aadaya xilli ay wali socoto qorshaha dhimista Ciidamada ATMIS.

Muqdisho, Soomaaliya - Taliyaha ciiddanka xoogga dalka Soomaaliya Sareeya Gaas Ibraahim Sheekh Muxudiin ayaa maanta magaalada Muqdisho kulan kula yeeshay saraakiil ka tirsan ciidamada ATMIS, iyaga oo ka wada hadlay dagaalka ka dhanka ah AS.

Intii uu socday kulanka ayaa saraakiisha labada ciidan waxa ay uga wada hadleen sidii sare loogu qaadi lahaa wadashaqeynta labada dhinac si looga adkaado kooxaha argagaxisada ah.

Taliyaha ciidamada xoogga dalka ayaa saraakiisha ATMIS u sheegay in ay dib u bilaabi doonaan howlgallada ka dhanka ah kooxda AS, isagoo ka codsaday saraakiisha ATMIS in ay ciidamada ku garab istaagaan dagaalka.

Kulankan ayaa ku soo aadaya xilli ay wali socodo qorshaha dhimista Ciidamada ATMIS ee lagu wado in mas’uuliyada amniga ay ku wareejiyaan Ciidamada Dowladda.

Ciidamada Dowladda ayaa la qorsheeyay in ay si buuxda ula wareegaaan amaanka dalka dhamaadkii sanadkan, iyada oo aan wali la soo gebagabeyn wajiga 1-aad ee howlgalka ka dhanka AS.

GAROWE ONLINE