Tanzania: Madaxweyne Xasan Sheekh oo ka qaybgalay caleema-saarka Samia Suluhu 

Dodoma, Tanzania – Madaxweyne Xasan Sheekh Maxamuud ayaa Isniintii ka qaybgalay xafladda dhaarinta Madaxweynaha Jamhuuriyadda Tanzania, Samia Suluhu Hassan, isaga oo ku biiray madaxda kale ee Afrika, hay’adaha gobolka, iyo marti-sharafyo kale oo la casuumay.

Intii lagu guda jiray xafladda, Madaxweyne Xasan Sheekh wuxuu adkeeyey muhiimadda xoojinta xiriirka laba-geesoodka ah iyo iskaashiga gobolka ee u dhexeeya Soomaaliya iyo Tanzania. Sidoo kale, wuxuu u diray hambalyo iyo duco ku saabsan nabad, horumar, iyo barwaaqo uu u rajeynayo Madaxweynaha Samia iyo shacabka Tanzania.

Maalintii ka horreysay xafladda, Madaxweyne Xasan Sheekh ayaa hambalyo u diray Madaxweyne Samia Suluhu Hassan oo ku saabsan dib-u-doorashadeeda, isagoo amaanay hoggaaminteeda iyo go’aanka Soomaaliya ee ku aaddan horumarinta nabadda iyo iskaashiga gobolka.

"Guusheeda waxay muujineysaa kalsoonida iyo aaminaadda shacabka Tanzania. Soomaaliya waxay rajeynaysaa in la xoojiyo xiriirka walaalnimo iyo horumarinta nabadda iyo barwaaqada gobolka," ayuu yiri Madaxweyne Xasan Sheekh, sida lagu sheegay war-saxaafadeed ka soo baxay Villa Soomaaliya Sabtidii.

Guddiga doorashooyinGuddiga doorashooyinka Tanzania ayaa ku dhawaaqay in Madaxweyne Samia Suluhu Hassan ay heshay 97.66% codadkii doorashadii Arbacadiika Tanzania ayaa ku dhawaaqay in Madaxweyne Samia Suluhu Hassan ay heshay 97.66% codadkii doorashadii Arbacadii, oo ay hareysay muran ka dhashay ka reebista musharixiinta mucaaradka ee hoggaaminayey doorashada.

Sida laga soo xigtay Villa Soomaaliya, waxaa la filayaa in Madaxweyne Xasan Sheekh uu yeesho wadahadallo laba-geesood ah oo ku saabsan arrimaha gobolka iyo iskaashiga, sidoo kale wuxuu la kulmi doonaa madaxda kale ee Afrika ee ka qaybgalay xafladda.

GAROWE ONLINE