Wariye Axmed Xasan Cawke oo Wajaale lagu aasay
-
- Posted On 17-11-2015, 05:00PM
17 November, 2015(GO)-Waxaa maanta aas qaran loogu sameeyay magalada Wajaale oo dhacda xuduuda Ethopia iyo Somaliland ALLAHA u naxariistee Wariye Axmed Xasan Cawke saaka ku geeriyooday magalada Jigjiga xarunta dowladda deegaanka Somalida Ethopia.
Aaska Cawke, waxaa ka soo qayb galay madaxweynaha ismaamulka Somalida, madaxweyne ku-xigeenka Somaliland xubno ka tirsan golaha wasiirada labada dhinac, siyaasiyiin waxgarad iyo bulsho aad u tiro badan kuwaasi oo ka tacsiyeeyay geerida ku timi marxuum Axmed Xasan.
Madaxweynaha dowladd deegaanka Somalida Ethopia Cabdi Maxamed Cumar, ayaa VOA-da u sheegay inuu ahaa shakhsi u dhaxeeya Somalida oo dhan, wuxuu ku baaqay in la taageero ehelkii iyo qaraabadii uu ka baxay.
Madaxweynaha Somalia Xasan Sheekh Maxamud ayaa sidoo kale tacsi u diray marxuumka, wuxuuna ALLE uga baryay inuu jannadiisa ka waraabiyo.
Geerida marxuum Cawke ayaa si weyn looga dareemay geyiga Somalida dagto.
GAROWEONLINE
