Xal la gaaray khilaaf ka taagnaa gobolka Gedo ee maamulka Jubbaland
-
- Posted On 08-11-2015, 08:57AM
08 November, 2015(GO)-Waxaa markii ugu horaysay la shaaciyay xal laga gaaray khilaafka u dhaxeeyay maamulka Jubbaland iyo siyaasiyiin ka soo jeeda gobolka Gado, kuwaasi oo saluug ka muujinayay doorka laga siiyay maamulkaasi.
Muddo dhan lixdan casho ayaa sii hayaha madaxweyne ku-xigeenka koowaad ee Jubbaland Cabdullaahi Sheekh Ismaciil Fartaag ku sugnaa magalada Garbahaaray ee xarunta gobolkaasi, waxaana uu wada xaajood kula jiray mas'uuliyiin, siyaasiyiin iyo bulshada gobolkaasi, iyagoo ka wada hadlayay sidii loo soo afjari lahaa xaaladda ka taagan Gedo.
Gudoomiye ku-xigeenka koowaad gobolka Gedo, Cabdiraxmaan Cabdullaahi Bakaal, ayaa sheegay in markii ugu horaysay degmada Garbahaaray laga taagay calanka maamulka Jubbaland.
Bakaal, ayaa sidoo kale xusay in dhawaan magalada Kismayo lagu qaban doono shir lagu soo afjarayo khilaafka mudada taagnaa.
Garbahaaray, waxaa sidoo kale ka socda shirar lagu hormarinayo, magalada.
GAROWEONLINE
