​Xasan Sheekh oo Jowhar gaaray iyo caleemo saar dhacaya

JOWHAR, Somalia- Madaxweynaha waqtigu ka dhammaaday, Xasan Sheekh Maxamud, ayaa goordhaweyd gaaray degmada Jowhar ee xarunta gobolka Shabeellaha dhexe halkaasoo la filayo inay ka qabsoonto caleemo saarka madaxda maamulkaas.

Wafdiga Xasan Sheekh, ayaa waxaa halkaas kusoo dhaweeyay mas'uuliyiin katirsan maamulkaas, siyaasiyiin, Xildhibaan iyo madaxda katirsan dowladda dhexe ee Federaalka.

Ujeedka safarka Xasan Sheekh, ayaa lagu sheegay inay tahay ka qayb galka caleemo saarka madaxda cusub ee maamulka Hir-Shabeelle.

Xaflada caleemo saarka Madaxweynaha Hir-Shabeelle ayaa la filayaa inay ka qeybgalaan Mas'uuliyiin sare oo ka socda maamulada dalka yo Wakiillada Beesha Caalamka u fadhiga Soomaaliya.

Madaxweyne Cali Cabdullaahi Cosoble, oo labadii maalmood ee lasoo dhaafay ku sugnaa Beledweyne, ayaa sheegay in uu Bulshada reer Hiiraan kusoo qanciyay inay taageeraan maamulkiis.

GAROWEONLINE