Xasan Sheekh oo lagu soo dhaweeyay magaalada Dhuusamareeb

Madaxweynaha ayaa la filayaa in uu kulamo muhiim ah la yeesho qeybaha kala duwan ee bulshada magaalada.

DHUUSAMAREEB, Soomaaliya - Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo ayaa goordhow gaaray magaalada Dhuusamareeb ee xarunta Dowlad-Goboleedka Galmudug, halkaasi oo uu ku soo dhaweeyay Madaxweyne Axmed Cabdi Kaariye.

Madaxweynaha ayaa la filayaa in uu kulamo muhiim ah la yeesho qeybaha kala duwan ee bulshada magaalada, si kor loogu qaado wada shaqeynta amni ee ka dhaxeeya Dowladda Federaalka iyo Galmudug.

Booqashadan ayaa ku soo aadeysa xilli ay Galmudug ka socdaan dadaallo lagu dhameystirayo howlgallada ka dhanka ah AS xilli dagaallo ay ka jiraan Koonfurta gobolka Mudug.

GAROWE ONLINE