Xasan Sheekh: xukuumad la isku shaandheynayaa ma jirto
-
- Posted On 13-06-2015, 10:25AM
June 13, 2015 (GO)- Madaxweynaha Dowladda Federaalka Soomaaliya ayaa beeniyey war maalmihii u dambeeyey laysla dhex marayey oo sheegayey in isku-shaandheyn lagu sameyn doono Golaha Wasiirrada Dowladda Federaalka islamarkaana la kala diri doono baarlammaanka.
Xasan Sheekh Maxamuud oo xalay shir-jaraa'id ku qabtey aqalka madaxtooyada ayaa sheegay in warkaasi yahay mid been abuur ah oo aan sal iyo raad midna lahayn.
"isku-shaandheyni ma jirto, laakiin wasiirkii shaqadiisa qabsan waaya waa la dirayaa, balse xukuumad la kala dirayaa ma jirto" ayuu yiri.
Waxaa xusid mudan in muddadii saddexda sano ahayd ee Madaxweyne Xasan Sheekh hoggaaminayey Dowladda Federaalka Soomaaliya la kala direy saddex xukuumadood.
GAROWE ONLINE
