Xeer ilaaliyaha Somalia oo ka hadlay xarigga sharci darada ah [Dhagayso]
-
- Posted On 14-10-2015, 08:51AM
14 Octobar, 2015(GO)-Xeer ilaaliyaha guud ee Somalia Axmed Cali Daahir ayaa sheegay in xilligan uu dhamaaday waqtigii dadka la iska xir-xiri jiray, isaga oo ku sababeeyay in sharciga dalka uu yahay mid shaqeynaya.
Xeer ilaaliyahu wuxuu tilmaamay qof aanan maxkamad la soo marsiinin inuusan ku xirnaan karin saldhigyada magaalada Muqdishu in ka badan 48-saacadooda.
"Waa dhamaatay xilligii dadka la iska xiri jiray, waxaan sameynay dadaalo badan, waana laga gudbay, wali waxbaa jira, laakiin waa wax aan aad u badneyn”Ayuu yiri xeer ilaaliyuhu.
Axmed Cali Daahir ayaa xusay in 17-ka Saldhig ee ku yaalla magaalada Xamar qofna inuusan si sharcidaro ah ugu xirnaan karin.
Xeer ilaaliyaha Qaranku inkastoo uu sheegaayo in sharciga dalku shaqaynayo, hadana waxaa jira shakhsiyaad badan oo muddo ku xabisnaa jeelasha magaaladasi kuwaas oo aan weli helin cadaalad.
GAROWEONLINE
