Xiriirada cayaaraha Somalia iyo Jubbaland oo hishiis gaaray
-
- Posted On 21-10-2015, 04:24PM
21 Octobar, 2015(GO)-Gudoomiyaha xiriirka kubadda cagta Somalia Cabdiqani Saciid Carab oo maalmihii ugu dambeeyay ku sugnaa magaalada Kismayo ayaa kulamo kala duwan la qaatay mas'uulyiinta xiriirka kubada cagta Jubbaland iyo bahda Isboortiga.
Carab ayaa sheegay inay isku afar garteen Afar qodob oo lagu hormarinayo Ciyaaraha Jubbaland, waxaana uu meesha ka saaray inuu jiro kala qo-qob ka jira dhanka xiriirka Somalia iyo maamulkaasi.
Qodobada waxaa ka mid ah, in Jubbaland laga hormarin doono dhinaca farsamada aqoonta iyo maamulka, helitaanka xeerarka lagu maamulo ciyaaraha, in la soo gaarsiiyo fursadaha la siiyo gobolada kale ee Somalia iyo xiriirka kubadda cagta ee maamulkaasi laga taageero dhinaca qalabaynta.
Bahda ciyaaraha Kismayo ayuu tilmaamay Gudoomiyuhu inay hormarsanyihiin, balse u baahanyihiin qalabayn iyo taageero ay helaan, wuxuuna ka digay in la sameeyo wax kasta oo caqabad ku noqon kara hormarinta ciyaaraha Jubbaland.
GAROWEONLINE
