SSC-Khaatumo iyo Turkiga oo iska wareystay xaaladda Soomaaliya

Hoggaamiye Cabdiqaadir Axmed Aw-Cali iyo danjire Alper Aktaş ayaa wadahadalo ku yeeshay Muqdisho.

MUQDISHO, Soomaaliya - Hoggaamiye Cabdiqaadir Axmed Aw-Cali ayaa booqasho shaqo ku tagay safaaradda Dalka Turkigu ku leeyahay Dalkeenna Soomaliya ee Muqdisho.

Hoggaamiyaha waxaa si diirran ugu Soo dhaweeyay Safaaradda Safiirka Dalka Turkiga u fadhiya Soomaaliya Alper Aktaş iyo Masuuliyiin kale oo ka tirsan Safaaradda.

Hoggaamiyaha iyo Safiirka Turkiga ayaa ka wada hadlay xaaladda guud ee Soomaaliya gaar ahaan xaaladaha deegaannada Maamulka SSC-Khaatumo.

GAROWE ONLINE