Haweenayda ugu hantida badan Afrika oo beenisay eedeyn loo jeediyay

LUANDA, Angola – Haweenayda ugu maalka badan Afrika ahna gabadha madaxweynihii hore ee Angola ayaa beenisay in ay wax qalad ah sameysay.

Isabel dos Santos ayaa lagu eedeeyay in ay wax is-dabamarin sameysay intii ay ahayd Gudoomiyaha shirkada shidaalka dowladda ee Sonangol.

Baaritaan ka dhan ah oo la bilaabay ayaa waxay shaacisay in uu salka ku hayo "dano siyaasadeed oo gaar ah".

Lacagta lagu haystay oo la sheegay in ay amartay in loo diro Abu Dubai ayaa waxay gaareysaa aduun dhan 38 milyan oo Doollar-ka Mareykanka ah.

"Lacagta aan diray sharci bey ahayd," ayay tiri. "Hadii mas'uuliyiinta dhab ka yahay dagaalka musuqmaasuq ha raadiyaa Miisaaniyadii 2015-kii".

Eedeymahan ayaa waxaa u jeediyay Carlos Saturnino kaasoo ay iyaddu bedeshay markii shaqadda laga eryay bishii Maaj.

Sidda ay sheegtay warbaahinta, lacagta ayaa waxay dirtay maalin kahor inta aan xilka ka qaadin, taasi oo tuhunka dhalisay.

Dos Santos. 46-sano jir hantideeda lagu qiyaasay 2.1 bilyan oo Doollar-ka Mareykanka ah, ayaa qudheeda xafiiska laga racdeeyay.

Ceyrinteeda waxay salka ku haysay xaalufinta musuqmaasuqa la degay waddankaas. Joao Lourenco oo aabaheeda bedelay ayaa xilka ka qaadis ku sameeyay.

Shirkadda shidaalka maamusha ee Sonangol oo muhiim u ah kobaca dhaqalaaha waddankan ayaa xudun u noqotay olalaha lagu baabi'inayo musuqmaasuqa.

GAROWE ONLINE