"Haweeneyda ugu da'da weyn Afrika" oo umushay labo mataano ah

Image
Namukwaya oo u dhalatay dalka Uganda ayaa la sheegay in ay kala tageen ninkeeda sanadkii 1992.

KAMPALA, Uganda - Haweeney 70 jir ah oo u dhalatay waddanka Uganda ayaa noqotay haweeneyda ugu da’da weyn qaarada Afrika ee dhashay labo mataano ah oo labaduba caafimaad qabaan.

Safina Namukwaya oo mataanaheeda uu midkiiba yahay labo kiilo garaam ayaa waxa ay ku umushay isbitaal ku yaala caasimadda dalka Uganda ee Kampala.

Namukwaya waxay dhashay wiil iyo gabar Arbacadii, sidda uu ku dhawaaqay In Vitro Fertilisation (IVF) oo ah Isbitaalka Haweenka ee Caalamiga ah iyo Xarunta Bacriminta ee Kampala.

"Annaga oo u dabaaldegnay sannad-guuradayada 20-aad, waxaan gaarnay wax-qabad aan caadi ahayn - in aan mataano ka dhalnay hooyadda ugu da'da weyn Afrika oo 70 jir ah," ayuu yiri isbitaalka.

Warka qoraalka ah ee kasoo baxay isbitaalka ayaa intaas ku daray: "Sheekadan kuma koobna oo kaliya guusha caafimaadka; waxay ku saabsan tahay xoogga iyo adkeysiga ruuxa aadanaha".

Namukwaya ayaa la sheegay in ay kala tageen ninkeeda sanadkii 1992 ka hor inta aysan xiriir kale la sameyn afar sano ka dib. Waxaa la sheegay in ay dhicisowday xilligii guurkeedii ugu horreeyay.

GAROWE ONLINE

Related Articles

Kenya oo feejignaan sare ku jirta kadib markii cudurka Ebola ka dilaacay Uganda

WHO ayaa sheegtay in heerka dhimashada ee dadka qaata cudurka Ebola uu u dhexeeyo 50% ilaa 89%, iyadoo ku xiran noocyada fayraska.

  • Afrika

    02-02-2025

  • 05:57PM

Jabuuti oo duqeyn cirka ah ka fulisay xadka Itoobiya

Warbixinta laga soo xigtay wargeyska Itoobiya ee Addis Standard ayaa sheegtay in weerarku uu dhacay dhinaca Itoobiya.

  • Afrika

    02-02-2025

  • 04:21PM