Itoobiya iyo Masar oo bogaadiyey baaqii golaha ammaanka

Mashruuca biyo-xireenka ee Niilka Buluugga ah ayaa xiisad ka dhex abuuray Itoobiya iyo dalalka dariska la ah.

ADDIS ABABA, Ethiopia - Wasaaradda arrimaha dibadda ee Itoobiya ayaa soo dhaweysay baaqyada golaha ammaanka ee Qaramada Midoobey ee ah in dib loo bilaabo wadahadaladii ay la lahaayeen dalalka deriska ah ee Suudaan iyo Masar

Wadaxajoodyadaas ayaa waxay daaran yihiin si loo xaliyo khilaafkooda loona dhammeeyo heshiiskooda ku saabsan buuxinta iyo ka shaqeynta biyo-xireenka weyn ee Itoobiya (Gerd).

Sida laga soo xigtay war-saxaafadeed rasmi ah, wasaaradda ayaa sidoo kale waxay taageereysaa tallaabada goluhu uu arrinta ugu gudbiyay Midowga Afrika.

"Itoobiya waxay rumeysan tahay in hadda la joogo waqtigii dalalka Wabiga Niil ay dhiirran lahaayeen oo ay kobcin lahaayeen iskaashiga ballaaran ee biyo-mareenka," ayaa lagu yiri qoraalka wasaaradda.

Dhanka kale, Wasaaradda arrimaha dibadda ee Masar ayaa dhankeeda waxay ku boorrisay dhammaan goobjoogayaasha in ay fududeeyaan in heshiis la gaaro.

Mashruuca biyo-xireenka ee Niilka Buluugga ah ayaa xiisad ka dhex abuuray Itoobiya iyo dalalka dariska la ah, iyadoo Masar iyo Suudaan ay ka walwalsan yihiin in uu u horseedayo abaaro iyo ammaanka biyaha.

Masar ayaa si gaar ah waxay ugu aragtaan "halis amni" maadaama ay ku dhawaad ​​gebi ahaan ku tiirsan tahay biyaha wabiga, halka Itoobiyana ay u aragto biyo-xireenka "inuu yahay mid koronto u keeni kara malaayiin muwaadiniinteeda ah".

GAROWE ONLINE