Suudaan oo "askar badan" looga dilay weerar gaadmo ah

Duulaankan ayaa ka dhacay xuduud ay xiisad balaaran ka taagan tahay tan iyo November, 2020-kii.

KHARTUUM, Sudan - Milateriga Suudaan ayaa sheegay in dhowr askari oo Suudaani ah lagu dilay weerar ay ciidamada Itoobiya ku qaadeen deegaan xuduudeedka lagu muransan yahay.

War qoraal ah oo uu soo saaray Sabtidii, millatariga Suudaan ayuu ku sheegay "ciidankayada loo xilsaaray ilaalinta dalagyada Al-Fashaxa... waxaa soo weeraray kooxo ka tirsan ciidamada Itoobiya iyo maleeshiyaad, kuwaas oo doonayay inay cabsi geliyaan beeralayda oo ay xumeeyaan xilliga beeralayda."

"Ciidamada Suudaan ayaa “iska caabiyay weerarka” waxayna “u geysteen khasaare naf iyo maalba leh” dhanka Itoobiya," ayaa lagu yiri war-saxaafadeedka oo lagu faafiyey internet-ka.

Sida laga soo xigtay war-saxaafadeedkan lala wadaagay saxaafada, balse weerarku waxa uu sababay in “dhawr laga dilay” ciidamada Sudan, balse ma shaacin tiradda ciidamaddaas.

Aagga, oo sidoo kale xuduud la leh gobolka Tigreega ee Itoobiya ay dhibaatadu ka jirto, waxaa sannadihii la soo dhaafay ka dhacay iska horimaadyo dhimasho iyo dhaawac sababay oo u dhaxeeyay labada dhinac, balse waxay sii korortay sannadkii hore.

Xiisada ayaa kor u kacday kadib markii dagaal uu ka qarxay Tigray Noofambar 2020 waxaana loo diray tobanaan kun oo qaxooti ah oo u qaxay Suudaan.

Khartoum iyo Addis Ababa ayaa tan iyo markaas waxaa u dhexeeyey dagaal adag oo xagga afka ah oo ku saabsan gobolka, eedaymo xagga ganacsiga ah iyo ku xad-gudbid dhuleed.

Muranka soohdinta ayaa keenaya xiisado ballaaran oo ka jira gobolka, oo ay ku jirto muranka ka dhashay biyo xireenka weyn ee Itoobiya ee Wabiga Niilka Buluuga ah kaasoo aan wali la xalin.

GAROWE ONLINE