Tunisia: Dad ku dhintay Doon ay la sodeen muhaajiriin oo rogmatay

Tuniisiya waxay u beddeshay Liibiya meesha ugu weyn ee ay ka baxaan dadka ka soo cararay dalalkooda.

NAIROBI, Kenya - Ugu yaraan sagaal qof oo qaxoonti Afrikaan ah ayaa la sheegay in ay geeriyoodeen kadib markii doonidii ay la socdeen ay kula degtay dalka Tunisia, xilli ay doonayeen inay gaaraan dalka Talyaaniga.

Doonta ayaa waxaa saarnaa in ka badan 50 rakaab ah oo dalal kala duwan ka soo jeeda, sidda ay sheegeen ciidamada Tunisia oo bayaan soo saarey Khamiistii todobaadkii hore.

Ilaalada xeebaha ayaa soo badbaadiyay 44 qof oo kale oo la socday isla dooni maraysay magaalada xeebta koonfureed ee Zarzis, sida uu sheegay sarkaal ka tirsan ilaalada qaranka Houssem Eddine Jebabli.

Ururka caalamiga ah ee socdaalka ayaa sheegay in 2,498 qof ay dhinteen ama la waayay iyagoo isku dayaya inay ka gudbaan bartamaha Mediterranean-ka sanadkii hore, taasoo ah koror 75 boqolkiiba ah 2022.

In ka badan 1,300 oo qaxoonti ah oo aan caadi ahayn ayaa ku dhintay badda ama waa la waayay iyagoo isku dayaya inay Yurub gaaraan kana yimaad Tunisia sannadkii hore, sida ay sheegtay urur u dooda xuquuqda Tunisia Talaadadii.

Tuniisiya waxay u beddeshay Liibiya meesha ugu weyn ee ay ka baxaan dadka ka soo cararay faqriga iyo colaadaha meelo kale oo Afrika ah iyo Bariga Dhexe iyagoo rajo ka qaba in ay nolol wanaagsan ka helaan Yurub.

GAROWE ONLINE