Weerar ay Al-Shabaab u maleegtay mashruuc oo "la fashiliyey"

Image
Mashruucaan ayaa lagu waramay in ay ku baxeyso aduun lacageed dhan hal milyan doolarka Mareykanka.

NAIROBI, Kenya - Saraakiisha amniga Kenya ayaa ka hortagay "weerar argagixiso" oo ka dhan ah mashruuc lagu maalgelinayo in ka badan $1 milyan, sidda ay ku warantey warbaahinta maxaliga ah.

Weerarkan ayaa la fashiliyay kadib markii la xiray muwaadin Kenyan ah oo ku sugnaa ismaamulka Tana River, kaasi oo la rumeysan yahay inuu xogta mashruuca la wadaagay maleyshiyaadka Al-Shabaab.

"Xogta illaa hadda laga qoray latuhunsanaha waxay xaqiijineysaa macluumaad ay dhowaanahan helayeen booliska oo ah in uu Al-Shabaab lacag laga badalanayey macluumaadka," ayuu qoray Kenyans.com.

Mashruuca la aaminsan yahay in weerarka loo maleegayay ayaa ah Lamu Port South Sudan Ethiopia Transport (LAPSSET) Corridor lagana fulinayo gobolada Waqooyi Bari, Tana River iyo Lamu.

"Ujeedada weerarka waxay tahay in la carqaladeeyo mashruucan iyo qorsheyaasha kale ee ku saabsan arrimaha horumarinta gobolka," ayaa lagu yiri warbixin kasoo baxdey laamaha ammaanka.

Eedeysanaha oo magaciisa aysan wali soo bandhigin hay'adaha nabad-gelyadda ayaa lala xiriiriyay weeraro hore oo lagu qaaday dhismaha LAPSSET oo saddex mooto lagu gubay, laguna dilay 7 qof oo rayid ah.

Al-Shabaab ayaa joogitaan culus ku leh qeybo kamid ah waddanka Kenya. Dabley ka tirsan xoogaga gacansaarka la leh Al-Qaacida ayaa Isniintii Jubada Hoose ku dilay saddex askari oo u dhalatay Kenya.

GAROWE ONLINE

Related Articles

Mareykanka oo masaafurinaya safiirka Koonfur Afrika ee Washington

Ebrahim Rasool ayaa hore u soo noqday safiirka Koonfur Afrika ee Mareykanka…

  • Afrika

    15-03-2025

  • 11:41AM

Ruushka oo tababar siinaya Ciidamada Badda Itoobiya

Himilada Itoobiya ee dhismaha ciidamo badeed iyo iskaashiga sii kordhaya ee milateriga ee Ruushka ayaa dhalisay walaac ka dhex jira dalalka gobolka.

  • Afrika

    14-03-2025

  • 06:21PM