Warbaahinta Sacuudiga oo dooneysa iibsashada kooxda Chelsea

Rikoorka Sacuudiga ee xuquuqda haweenka ayaa ah mid walaac ku haya hay’ado badan oo u dooda xuquuqda madaniga ah.

RIYADH, Saudi Arabia - Warbaahinta Sacuudiga waa shirkad gebi ahaanba gaar ah oo aan xiriir toos ah la lahayn hoggaamiye ama dawlad gaar ah.
Si ka duwan Newcastle United - oo ay hadda leedahay dawladda Sacuudi Carabiya iyada oo loo marayo Sanduuqa Maalgelinta Dadweynaha - Manchester City ama Paris Saint-Germain.

SMC waxaa ka shaqeeya tiro badan oo haween ah, halka uu dalku sameeyay dib u habeyn taas oo keentay in saamiga haweenka ee shaqaalaha uu kordho 33.2 boqolkiiba.

Rikoorka Sacuudiga ee xuquuqda haweenka ayaa ah mid walaac ku haya hay’ado badan oo u dooda xuquuqda madaniga ah. Sida uu hadda yahay xaalka, Horyaalka Ingiriiska waxaa jiri karay sabab yar oo uu kaga hor istaago iibsashada kooxda Chelsea ee Warbaahinta Sacuudiga, waxaa sidoo kale jira dalabaadyo hore oo laga aqbalay kuwaas oo muran badan dhaliyay.

Waa maxay qorshaha warbaahinta Sacuudiga ee Chelsea?

Kooxda Warbaahinta Sacuudiga ayaa dooneysa in ay dib u dhisaan garoonka Stamford Bridge, kaas oo ay ku kici karto lacag kor u dhaafaysa £1.5bn ($2bn).

Faa'iidada ugu muhiimsan ee dalabkooda ayaa lagu tiriyaa in ay tahay khibraddoodii hore ee dhisidda garoomada kubbadda cagta iyo kaabayaasha dhaqaalaha, iyadoo xiriirkooda hadda jira ee suuq-geynta iyo xayeysiinta loo arko in uu yahay mid weyn marka loo eego bixinta kharashaadka mashruuca dib-u-kobcinta.

Chelsea ayaa muddo dheer dhibaato kala kulmaysay in ay dhanka dhaqaalaha kula tartamaan kooxaha waaweyn ee xifaaltanka kala dhaxeeyo sida Manchester United, Manchester City iyo Liverpool.

Dhab ahaan, waxaa la rumeysan yahay inay tani tahay fursad ay kusoo jiidan karaan kafaala-qaadayaasha ugu faa'iidada badan. Warbaahinta Sacuudiga ayaa kalsooni buuxda ku qabta in ay u heli karaan kooxda heshiis ka wanaagsan kuwii hore.

Chelsea ayaa horay ula kulantay maalgeliyahooda funaanada ee shirkadda isgaarsiinta ee Three, kadib markii ay hakisay heshiiskii ay kula jirtay kooxda.

Isbedelka dhanka mulkiyada Abramovich

Taageereyaasha naadiga ayaa la aaminsan yahay in ay sare u kici doonaan, madaama dadka Bariga Dhexe ee da'doodu ka yar tahay 30 jir lagu qiyaasay 70 boqolkiiba. Warbaahinta Sacuudiga ayaa aaminsan in ay Chelsea awood u yeelan doonto helidda suuq cusub.

Kooxdan ayaa sidoo kale samayn doona akadeemiyada gobolka oo ay isticmaali doonaan kooxda haweenka si ay u beddelaan fikradaha ku saabsan sida loo arko ciyaaraha hadduu dalabkoodu noqdo mid guulaysta.

Roman Abramovich waxa uu  shaqaaleysiiyay bangiga maalgashiga ee New York Raine Group si ay kooxda u iibiyaan. Dib u dhacyo ka dhashay cunaqabataynta lagu soo rogay Abramovich, oo ay ku jirto in la xayiro hantidiisa ayaa sababay in wakhtiga kama dambaysta ah ee iibka la kordhiyey, kaas oo laga dhigay illaa 18-ka Maarso.

Kuwa xiiseynaya inay Chelsea helaan waxaa ka mid ah maalqabeenka Ingiriisida Nick Candy, iyo koox ay madax u yihiin Hansjorg Wyss iyo Todd Boehly.

GAROWE ONLINE