30 qof oo daqiiqado gudahood ku naf waayey duqeymaha Israa’iil

QASA - Wakaaladda wararka ee Falastiin ayaa sheegtay in ku dhawaad ​​30 Falastiiniyiin ah lagu dilay duqeymo ay maanta diyaaradaha Israa’iil ka fuliyeen goobo kala duwan oo ku yaalla marinka Qasa.

Wakaalladda oo soo xiganeysa ilo maxalli ah ayaa sheegtay in duqeynta lala beegsaday dhowr deegaan oo ku yaalla magaalada Rafax ee Koonfurta Marinka Qasa, waxaana ku dhintay ugu yaraan 7 qof, tiro kalena waa ay ku dhaawacmeen, halka ugu yaraan 14-qof oo kale lagu dilay duqeyn lala beegsaday. magaalada Jabalia ee waqooyiga Marinka Qasa.

Wararka ayaa sidoo kale sheegaya in laba qof ay ku dhinteen duqeyn lala beegsaday guri saddex dabaq ah oo ku yaalla xaafadda “Al-Salam” ee magaalada Rafax.

Shan qof oo ay ku jiraan 3 carruur ah ayaa sidoo kale dhintay, qaar kalena waa ay dhaawacmeen, ka dib duqeyn lala beegsaday guri labo dabaq ah oo ku yaalla galbeedka magaalada Rafax.

GAROWE ONLINE