6000 Tahriibayaal ah oo Talyaaniga gaaray
-
GAROWE ONLINE XAFIISKA MUQDISHO
- Posted On 17-09-2023, 06:30PM
ROMA, Talyaaniga - Jasiirada Lampedusa ee dalka Talyaaniga ayaa waxaa gaaray Tahriibayaal ka badan 6000 qof.
Tahriibayaashan oo gaaray Jasiirada in ka yar 24 saac gudahood ayaa loo diiwaan geliyay kuwii ugu badnaa ee sanadkaan gudihiisa isku mar yimaada.
Jasiiradan ayaa waxaa ku yaala xarun loogu talo galay in ay qaado 450 qaxooti ah markiiba balse tiradaan ayaa culeys xoogan ku keentay.
Dalka Tunisia ayaa la rumeysan yahay in ay kasoo kictimeen Qaxootigan iyaga oo intooda badan in ay kasii talaabaan Talyaaniga.
Sanadkaan oo kaliya waxaa Talyaaniga gaaray in ka badan 120 kun oo qof oo Tahriibayaal ah.
GAROWE ONLINE
