Afgaanistaan: Taliban oo qabsatay magaalooyin horleh

Afgaanistaan, Talibaan - Taalibaan ayaa qabsatay magaalada Taloquan ee waqooyi-bari Afgaanistaan, taas oo ka dhigan caasimaddii shanaad ee maamul maalmo oo ay kula wareegaan dhowr maalmood gudahood.

Taloquan, oo ah xarunta Gobolka Takhar, waa mid kamid ah guulo is-daba-joog ah oo falaagadu heshay iyadoo ciidamada shisheeye, oo uu horkacayo Mareykanka, ay dhammaystireen ka bixitaanka Afghanistan.

Xawaaraha guulaha maleyshiyadda, oo ay ku jirto la wareegida magaalada weyn ee Kunduz, ayaa sii kordhisay walaaca laga qabo khasaaraha dadka rayidka ah. Ugu yaraan 27 carruur ah ayaa lagu dilay 136 kalena waa lagu dhaawacay 72-kii saac ee la soo dhaafay dalka Afganistan, sidaasi waxaa lagu sheegay bayaan ay soo saartay Sanduuqa Gurmadka Carruurta ee Qaramada Midoobay (UNICEF) Isniintii.

UNICEF ayaa daaha ka rogtay in khasaaraha ugu badan uu ka dhacay gobolka Qandahaar, halkaas oo uu ka socdo dagaal xooggan oo u dhexeeya xoogagga Taliban iyo ciidanka Afghanistan.

"Xad-gudubyadan waxay caddayn u yihiin dabeecadda arxan-darrada ah iyo baaxadda rabshadaha ee Afgaanistaan ​​kaas oo ugaarsada carruurta horay u nugul," ayay tiri UNICEF, oo intaas ku dartay inay jiraan warar sheegaya in carruurtu "ay sii kordhayaan oo ay kooxaha hubaysan u qoranayaan dagaallada".

Jimcihii, caasimadda gobolka ugu horreysa, Zaranj, oo u dhow soohdinta Iiraan, waxay gacanta u gashay Taliban. Tan xigta, Sherberghan, oo u dhow xadka Turkmenistan, ayay hanteen Sabtidii todobaadkan.

Qabsashadda Kunduz, oo ah magaalo istiraatiijiyad ah, ayaa waxay ka dhigays magaaladii ugu horreysay ee weyn ee gacanta u gasho Taliban tan iyo markii ay billowday duullaankeeda bishii May.

Iyaddoo la wareegida Kunduz oo ay ku nool yihiin 375,000 qof lagu qeexay abaalmarin milatar, sidoo kale Axaddii, xoogaggu waxay inta badan dul-maray magaalo-madaxda gobolka ee Sar-e-Pul ee waqooyiga dalka.

Toddobaadkii la soo dhaafay, Mareykanka ayaa kordhiyay duqeymaha cirka ee ka dhanka ah fariisimaha Taliban si loo hakiyo guulahooda. Taliban ayaa Mareykanka ku eedeysay inuu duqeeyay isbitaal iyo dugsi sare, iyo bartilmaameedyo kale oo rayid ah oo ku yaal Gobolka Helmand. Hase ahaatee, ma jiraan cid si madax-banaan u xaqiijin karta eedeyntaas.

GAROWE ONLINE