Biden oo markale taageero u muujiyay Israa’iil

WASHINGTON - Madaxweynaha Mareykanka Joe Biden ayaa sheegay in uu ku kalsoon yahay in Israa’iil ay u dhaqmi doonto si waafaqsan shuruucda caalanka ee ku aadan dagaalka, isagoo intaa ku daray in aanay loo baahneyn in ciidamada Mareykanka dib dambe loo diro Bariga Dhexe.

Wareysi uu siiyay barnaamijka "60 Minutes" ee ka baxa CBS News, ayuu madaxweyne Biden ku muujiyay sida uu u aaminsan yahay in ururka "Xamaas" ay tahay in gebi ahaanba la tirtiro.

Biden ayaa ka digay in khatarta in weerar argagaxiso laga geysto Maraykanka ay kor u kacday xiisadda Bariga Dhexe awgeed.

Madaxweynaha Mareykanka ayaa carrabka ku adkeeyay in Iiran ay si joogto ah u taageerto Xamaas iyo Xisbullah, balse ma jirto cadeyn cad oo muujineysa in ay ka danbeyso dagaalkan.

GAROWE ONLINE