Biden oo xaqiijiyay in Israa’iil ay lumisay taageerada caalamka

Joe Biden ayaa yiri in xukuumada uu hoggaamiyo Netanyahu ay billowday inay lumiso taageerada caalamka

WASHINGTON (GO) - Madaxweynaha Mareykanka Joe Biden ayaa xaqiijiyay in dowladda Israa’iil ee uu hoggaamiyo Benjamin Netanyahu ay billowday inay lumiso taageerada caalamka sababo la xiriira duqeymaha aan loo meel dayin ee ka geysanayso Marinka Qasa.

Munaasabad dhaqaale loogu uruurinayey ololihiisa doorashada oo ka dhacay Washington, ayuu Biden ugu baaqay Netanyahu inuu isku shaandheyn ku sameeyo xukuumadiisa mayalka adag, sida ay sheegtay wakaaladda wararka ee Reuters.

Waxa kale oo uu sheegay in dawladda Israa’iil ay ka soo horjeedo in Falastiiniyiinta dowlad loo dhiso, taas oo ah xalkii ay ku baaqday Washington ka dib weerarkii 7dii October.

Wuxu intaas raaciyay, "Tani waa dawladdii ugu muxaafid badnayd ee soo marta taariikhda Israa'iil.", isaga oo ula jeeda xubnaha maylka adag ee ka tirsan xukuumada uu hoggaaminayo Netanyahu.

GAROWE ONLINE