Biriq ku habsatay xaflad aroos oo dishay in ka badan 10 ruux

Aroosada ayaanan ku sugneyn munaasabadda. Balse, waxaa dhaawacyada kamid ah Arooska. [Photo: Online]

DHAKA, Bangladesh - Dhowr biriq ayaa ku dhacay xaflad aroos gudaha Bangladesh dhowr ilbidhiqsi gudahood, waxaana ku dhintay ugu yaraan 16 qof, waxaana dhaawacmay ninkii arooska ahaa, sidda ay saraakiishu sheegeen.

Sida uu sheegay madaxa dawladda ee magaalada Arbacada maanta ah. kooxdan ayaa dhawaan doon ka tagtay magaalada webiga Shibganj si ay gabaad uga dhigtaan roob culus oo dayay.

"Aroosadda ma aysan joojin munaasabadda," ayuu Sakib Al-Rabby u sheegay wakaaladda wararka ee AFP, isagoo xaqiijiyay in dhaawacyada la dhigay isbitaal ku yaalla degmada galbeedka dhacda ee Chapainawabganj.

Duufaanno dabeylo wata oo xooggan ayaa sanadkan ku dhuftay Bangladesh. Toddobaad roobab mahiigaan ah oo ka da’ay degmada koonfur-bari ee Cox’s Bazar ayaa sababay dhimashada 20 qof, oo ay ku jiraan lix qaxooti Rohingya ah.

Biriqdu waxay horey boqolaal qof ku galaafatay waddanka Koonfurta Aasiya. Sida laga soo xigtay tirakoob rasmi ah, waxaa jiray in ka badan 200 oo biriq ku dhintay 2016, iyadoo 82 qof ay dhinteen hal maalin bishii May.

Waxaa jira soojeedino ku saabsan in dhimashadda intaas ka badan tahay. Si kastaba ha ahaatee, hal tirokoob oo si madaxbannaan loo sameeyay ayaa xaqiijiyey in ugu yaraan 349 qof ay biriqdu dishay isla sanadkaas.

Khubarada qaar ayaa sheegaya in jarista dhirta ay kordhisay tirada dhimashada. Bangladesh waxay beeratay boqolaal kun oo geed timir ah si loo yareeyo saameynta isbedelka cimilada iyo in la yareeyo tirada dhimashada biriqda.

GAROWE ONLINE