Boqorka Jorden oo iska diiday booqashada Biden
-
GAROWE ONLINE XAFIISKA MUQDISHO
- Posted On 18-10-2023, 04:27AM
CAMMAAN - Jordan ayaa go'aansatey in aan lagu qaban shirka afar geesoodka ah ee u dhaxeeya Boqor Cabdallaha II iyo madaxweynayaasha Mareykanka, Falastiin iyo Masar oo lagu waday in Arbacada uu ka furmo magaalada Cammaan.
Sarkaal Mareykan ah ayaa sheegay in madaxweyne Joe Biden uu baajiyay booqashadiisa Jordan kadib markii uu la tashaday boqorka Jordan.
Aqalka Cad ayaa xaqiijiyay in Biden uu la hadlay ra’iisul wasaaraha Israa’iil Benjamin Netanyahu iyo boqorka Jordan kadib weerarkii lagu qaaday isbitaalka Qasa..
Afhayeen u hadlay Aqalka Cad ayaa tilmaamay in sababta ugu weyn ee madaxweynaha Falastiin Maxamuud Cabaas uu uga baxay shir madaxeedka Cammaan ay tahay baroordiiqda saddex maalmood ka dib weerarkii isbitaalka.
GAROWE ONLINE
