Ciraaq: Xaflad aroos oo sabab u noqotey dhimashada 114 qof
-
GAROWE ONLINE XAFIISKA MUQDISHO
- Posted On 27-09-2023, 04:17AM
BAQDAAD - Warbaahinta Ciraaq ayaa sheegtay in ugu yaraan 114 qof ay ku dhinteen, 200 oo kalena ay ku dhaawacmeen dab ka kacay xaflad aroos oo ka dhacaysay gobolka Nineveh ee dalkaas.
Ra’iisul wasaaraha dalkaasi Muxamed Shia Al-Sudani ayaa faray wasiirrada arrimaha gudaha iyo caafimaadka in ay abaabulaan dhammaan dadaallada lagu samatabixinayo dadka dhaawaca ah. sida ay sheegtay wakaaladda wararka Ciraaq.
Dhanka kale, Dab damiska Ciraaq oo war soo saaray ayaa yiri: "Xogta hore waxay muujinaysaa in isticmaalka rashka intii lagu jiray xafladda arooska uu sabab u ahaa dabka kacay.”
Waxa uu intaa ku daray, "Waxaa hoolka arooska ka maqnaa qalabka dabka lagu dimiyo taas oo ka hor imaaneysa shuruucda dalka, tallaabo ayaana laga qaadi doona ciddi ku lug laheed arrintaan."
GAROWE ONLINE
