Codsi loo jeediyay Biden oo ku saabsan Falastiiiniyiinta
-
GAROWE ONLINE XAFIISKA MUQDISHO
- Posted On 09-11-2023, 06:28AM
WASHINGTON (GO) - Koox ka tirsan wakiilada Dimuqraadiga ayaa ku booriyay madaxweynaha Mareykanka Joe Biden inuu u ogolaado dalxiisayaasha, ardayda iyo shaqaalaha Falastiiniyiinta ah inay sii joogaan dalka.
In ka badan 100 ka tirsan Dimuqraadiyiinta, oo uu hoggaaminayo Senator Dick Durbin, ayaa warqad u diray Biden, si loogu oggolaado dadka ka soo jeeda dhulka Falastiiniyiinta ee ay haysato Israa’iil in helaan fursado shaqo.
"Marka la eego iska-horimaadka hubeysan ee socda, Falastiiniyiinta horeyba ugu sugnaa Mareykanka waa inaan lagu qasbin inay ku laabtaan dhulka Falastiin.” ayaa ku xusan waraqdda ay direen sharci-dajiyayaashu.
Go’aankan waxa kaliya ka faa’iidaysan kara falastiiniyiinta horeyba u joogay Maraykanka, mana la shaacin tirada dadka ee lagu dari doono barnaamijkan.
GAROWE ONLINE
