Dhakhaatiir ku guuleystay in Killida doofaar ku rakibaan bukaan 62-jir ah

Qaliinka ayaa la sameeyay 16-kii Maarso wuxuuna qaatay 4 saacadood,

Washington (GO) - Dhakhaatiir ka socota cisbitaalka guud ee Massachusetts ee dalka Maraykanka ayaa khamiistii ku dhawaaqay in nin 62 jir ah oo qaba xanuunka kelyaha uu noqday qofkii ugu horeeyay ee lagu beero kelyo doofaar leeyahay oo hidde ahaan (DNA) loo bedelay.

Cisbitaalka ayaa bayaan uu soo saaray ku sheegay in qalliinku uu ka dhigan yahay isbeddel weyn oo fududaynaya in bukaannada u baahan xubnaha jirka mid ka mid ah ay ka faa'iisaystaan.

Qaliinka ayaa la sameeyay 16-kii Maarso, wuxuuna qaatay 4 saacadood, waxaana wax-ka-beddel ku sameeyay hiddaha Kelyaha Doofaarka shirkada “eGenesis of Cambridge” oo ku taal gobolka Massachusetts.

GAROWE ONLINE