Diyaaradda France oo laga helay qarax macmal ah
-
- Posted On 21-12-2015, 08:34AM
21 December, 2015(GO)-Baaritaan lagu sameeyay aalad laga helay diyaar shaki Bamb dartiis ugu dagtay magalada Mumbasa dalka Kenya ayaa waxaa la ogaaday inuu ahaa qarax macmal ah iyadoo loo xiray afar kamid ah dadkii diyaaradda saarnaa.
Diyaaradda oo lagu magacabo Air Franca ayaa katimi magalada Mauritius dalka Island, waxayna ku sii jeeday Paris xarunta Faransiiska, balse waxa hakad galiyay shaki lagu muujiyay alaab kartoon ku xiran una eg qarax oo laga helay musqusha diyaaradda.
Boliiska dalka Kenya iyo khuburo faransiis ah ayaa baaritaan ku sameeyay aaladda, waxayna ogaadeen inuusan ahayn qarax balse loo ekeysiiyay, waxayna su'aalo weydiiyeen rakaabkii diyaaradda.
Afar kamid ah ayaa Boliisku ka shakiyay, waxaana la dhigay xabsiga si baaritaano dheeri ah loogu sameeyo.
Madaxa shirkadda iska leh diyaaradda ayaa ka mahad celiyay dadaalka loo galay arrintaasi iyo bad baadinta shacabka.
Bishii Octobar ayay ahayd markii ay qaraxday diyaarad laga leeyahay dalka Rushka, waxaan baaritaan dheer kadib la ogaaday in walxaha qarxa lagu sii diyaariyay, kadib ku qaraxday gacanka Sinai dalka Masar.
GAROWEONLINE
