Natiijada doorashada dalka Guinea oo la shaaciyay
-
- Posted On 18-10-2015, 05:42AM
18 Octobar, 2015(GO)-Madaxweynaha dalka Guinea Alpha Conde, ayaa mar labaad ku guulaystay madaxtinimada waddankaasi, isagoo helay 58% codadkii la tirayay.
Guddiga doorashada dalkaasi ayaa lix maalin ka dib ku dhawaaqay natiijada, iyagoo xusay in wareegii koowaadba guulaystay Conde.
Hogaamiyaha ugu weyn mucaaradka Cellou Dalein Diallo ayaa codbixinta ku tilmaamay mid la musuq-maasuqay, wuxuuna helay 30% codadkii la tirayay.
Korjoogtada caalamiga ah ayaa waxa ay sheegayaan in dhibaato jirtay maalintii doorashada, laakiin ceebahaasi yaryar aysan saameyneynin natiijada.
Waxaa la sheegayaa rabshada u dhexeeya taageerayaasha labada dhinac ka jiraan meelaha qaar. Laakiin maalintii doorashada waxay ahayd mid nabadeed.
Dalka Guinea, waxaa gumaysan jiray Faransiiska, waxayna hornimadooda heleen 1958, ilaa 2008 dalka waxaa u soo talinayay labo hogaamiye oo kaligood talis ah.
Conde, ayaa madaxtinimada waddankaasi qabtay 2010-kii labo sano oo Milatari dalka maamulayay ka dib.
March, 2014 Guinea, waxaa ka dillaacay cudurka Ebola oo dilay In ka badan, 2,500 qof.
GAROWEONLINE
