Dowladda Iran oo hakisay duulimaadyada Hindiya iyo Pakistan

TEHRAN, Iran - Dhammaan duulimaadyadii tagi jiray iyo kuwii ka iman jiray Hindiya iyo Pakistan ayaa la hakiyay iyada oo Iiraan ay weli la tacaaleyso mowjadda afaraad ee daran ee safmareenka halista ah ee COVID-19.

Go'aanka lagu joojinayo duulimaadyada ayaa ku yimid talo soo jeedinta wasaaradda caafimaadka oo ku talisay in lagu dhaqaaqo "maaddaama ay sheegtay in xaalada ay ku jirto Hindiya ay keeni karto khatar aad u weyn oo ka duwan noocii ugu horreeyay ee laga helay Boqortooyada UK uu hadda nnoqdeymid ku xoog badan Iiraan".

“Hadda waxaan wajahaynaa khatar cusub oo ah virus-ka Hindiya, kaas oo ka xun kan Ingiriiska, kan reer Brazil iyo kan Koonfur Afrika,” ayuu ka digay Madaxweyne Xasan Rouhani Sabtidii.

Ruuxaani oo hadlay intii lagu jiray kal-fadhigii telefishanka ee guddiga howl-galada anti-coronavirus-ka ayaa ku daray: "Haddii virus-kan uu sidoo kale soo galo dalka waxaan la kulmi doonnaa dhibaato weyn".

Madaxweynaha ayaa xusay in kiisaska sii kordhaya, isbitaalada, iyo dhimashada ay ka jirto inta badan 32-da gobol ee Iran "maaddaama tiro yar oo keliya loo maleynayo inay gaareen gudbinta ugu sarreysa intii lagu jiray mowjadda afraad".

Wasaaradda caafimaadka ee Iiraan ayaa Sabtidii sheegtay in 374 qof oo dheeraad ah ay dhinteen 24-kii saac ee la soo dhaafay, taasoo ka dhigaysa wadarta dhimashada ee waddanka ugu daran ee Bariga Dhexe ay ka badan tahay 69,000. Iran waxay diiwaangashatay qiyaastii 2.3 milyan oo kiis tan iyo bishii Febraayo 2020.

Waddanku wuxuu wajahayaa kiiskiisii ​​ugu xumaa ee maalin kasta ee 25,492 usbuucii hore, waa tiradii ugu sarreysay tan iyo markii ay soo ifbaxdey mowjadda saddexaad bishii Nofeembar.

Magaalada caasimada ah ee Tehran ayaa ah tan ugu daran ee uu ku dhuftey safmarka iyada oo badiyaa laga diiwaan-geliyo saddex meelood meel dhammaan dhimashada dalka oo dhan maalin kasta.

Behesht-e Zahra, oo ah qabuuraha ugu weyn dalka kuna yaala Tehran, ayaa usbuucii la soo dhaafay waxaa lagu arkay tiro rikoor ah oo ah in 350 lagu aasay hal maalin gudaheeda, taas oo ah tii ugu sareysay 50 sano ee la soo dhaafay.

Iran waxay ku soo rogtay xayiraad dhowr ah, oo ay ka mid yihiin bandow kala bar ah iyo xayiraadaha safarka gobolada oo lagu sifeeyey mid noqoneysa qadka casaanka ah loona baahan yahay in dadka u hogaan-samaan.

GAROWE ONLINE