Duqayn lagu dilay sarkaal katirsan Daacish
-
- Posted On 09-03-2016, 03:15PM
Qoraal kasoo baxay Aqalka Gaashaan dhigga Maraykanka ayaa lagu sheegay in duqayn lagu dilay sarkaal sare oo ka tirsan kooxda isku magacowday dowladda Islaamiga ah ee IS.
Weerarka oo ay fuliyeen diyaaraha dagaalka xukuumadda Washington ayaa lagu dilay Cumar Al-Shishani oo ahaa Taliyaha Daacish u qaabilsan Galbeedka Ciraaq.
Duqaynta ayaa Pentagon-ka Maraykanku sheegay inay ka dhacday deegaan lagu magacaabo Al-Shadadi oo ku taal dalka Ciraaq, waxaana fuliyay diyaaradaha aan duuliyaha wadan ee loo yaqaan Drones.
Hogaamiyaha la dilay ayaa u dhashay dalka Georgia, waxaa la sheegaa inuu ahaa xubnaha fir-fircoon ee katirsan kooxda Daacish iyadoo la aaminsayahay in door muhiim ah ku lahaa weerarada kooxdu ka fuliyaan qaybo kamid ah Bariga dhexe.
Dhinaca Daacish weli arrintaasi kama hadlin.
Shishani, ayaa dhashay sannadkii 1986, wuxuuna aha sarkaal mar katirsan ciidamada waddanka uu kasoo jeedo, balse wuxuu sannadkii 2008 ku biiray kooxaha jihaad doonka ah isagoo la sheegay inuu kasoo qayb qaatey dagaallo ka dhacay dalka Suuriya.
GAROWEONLINE
