Erdogan oo sheegay sababta dhabta ah ee ka danbeysa in Jarmalku uu taageero Israel

QASA (GO) - Madaxweynaha Turkiga Recep Tayyip Erdogan ayaa oo booqasho ku tagay Berlin ayaa tilmaamay in sababta Jarmalka uu Israa’iil ku taageerayo dagaalka Qasa ay tahay in ay hore xasuuq ugu geysteyn.

Erdogan ayaa sheegay in Turkiga uu awood u leeyahay in uu si aan eex lahayn u hadlo maadaama ay wax dhib ah hore ugu geysan Yahuudda.

Waxa uu sidoo kale sheegay:

“Dagaalka Israa’iil iyo Falastiin waa in aan lagu qiimeyn qaladaad hore loo galay, waxaan u hadlaa si xor ah sababtoo ah wax deyn ah naguma laha Israa’iil.”

Madaxtooyada Turkiga ayaa war qoraal ah oo ay soo saartay ku sheegtay: “Erdogan waxa uu ku nuuxnuuxsaday in loo baahan yahay in la joojiyo weerarrada Israa’iil ee ka dhanka ah Falastiin”

Erdogan ayaa horraantii todobaadkan sheegay in Israa’iil ay tahay “dal argagixiso” oo dambiyo dagaal ka gaysanaysa Qasa.

GAROWE ONLINE