Ethopia oo lagu eedeeyay dilka 75 ruux
-
- Posted On 19-12-2015, 11:17AM
19 December, 2015(GO)-Hay'adda u dooda xuquuqda aadanaha Human Right Watch ayaa dolwadda Ethopia ku eedaysan dilka 75 ruux oo ka mid ahaa dad dibadbaxyo ka dhigay waddankaasi iyagoo ka cabanaya ballaarin lagu samaynayo caasimadda Addis Ababa.
Dadka cabanaya ayaa u badan Qowmiyadda Oromada, waxayna sheegeen hadii dhul ballaarin lasameeyo inay waayayaan Beerahooda ku dhaw caasimadda dalkaasi.
Kacdoon ka dhashay arrintaasi ayaa dowladda Ethopia u adeegsatay xoog in lagu joojiyo, waxaana naftooda waayay dibadbaxayaasha qaybtooda sida ay shaacisay hay'adda HRW.
Balse dowladda ayaa gaashaanka u daruurtay arrinta Human Right Watch, waxayna dhimashada ku sheegtay shan qof oo kaliya, iyadoona shacbiga banaanbaxay ku eedaysay inay argagixiyeen bulshada.
GAROWEONLINE
