Fahfaahin: Qasaaraha qarax ka dhacay Gedo oo korartay
-
GAROWE ONLINE XAFIISKA MUQDISHO
- Posted On 20-09-2023, 04:52AM
GARBAHAARAY, Soomaaliya - Qarax Isniintii ka dhacay gobolka Gedo ayaa galaaftay nolosha kow iyo toban askari oo ka tirsan ciidamada dowladda Soomaaliya, waxaana ku dhaawacmay saddex kale. sida ay sheegeen ilo lagu kalsoon yahay.
Weerarkan ayaa lala eegtay gaadiid dagaal inta u dhaxeysa magaalooyinka Luuq iyo Doolow, sida uu sheegay guddoomiye ku xigeenka dhanka amniga iyo siyaasadda ee gobolka Cismaan Nuux Xaaji.
Xaaji ayaa xaqiijiyay in qaraxa uu haleelay gaarigii tiknikada ahaa ee ay ciidamadu la socdeen, kooxda Al-Shabaab ayaana sheegatay mas’uuliyaddiisa.
Dadka ku dhaawacmay weerarka waxaa ka mid ah Rashiid Bohol oo ah taliyaha guutada 10-aad ee qeybta 43-aad ee ciidanka xoogga dalka Soomaaliyeed, wuxuuna dhaawaciisa ahaa mid fudud.
GAROWE ONLINE
