Hogaamiyeyaasha Ruushka iyo North Korea oo ka shiraya “raadinta aduun cusub”
-
WARIYAHA CAALAMKA GAROWE ONLINE
- Posted On 19-06-2024, 04:11AM
MOSCOW, Russia - Madaxweynaha Ruushka Vladimir Putin iyo hogaamiyaha Kuuriyada Waqooyi Kim Jong Un ayaa wadahadalo heer sare ah uga bilowday Pyongyang iyadoo labada dal ee ku hubaysan hubka Nukliyeerka ay doonayaan inay sii xoojiyaan xiriirka difaaca iyo dhaqaalaha.
Putin ayaa ka degay caasimadda Kuuriyada Waqooyi ka hor waaberigii subaxnimadii Arbacada halkaas oo Kim uu ku sugayay inuu soo dhaweeyo.
Wakaaladda wararka ee KCNA ayaa sheegtay in kulanka labada hoggaamiye uu ahaa dhacdo taariikhi ah oo muujineysa saaxiibtinimada iyo midnimada ka dhexeysa Kuuriyada Waqooyi iyo Ruushka.
Xidhiidhka labada dal “wuxuu u soo baxay sidii qalcad istaraatiijiyadeed oo xooggan oo lagu ilaalinayo caddaaladda caalamiga ah, nabadda iyo amniga iyo matoorka lagu dardargelinayo dhismaha adduunyo cusub oo kala duwan,” ayay raacisay.
Putin ayaa booqashadiisii ugu horreysay ku tagay Kuuriyada Waqooyi muddo 24 sano ah, iyadoo xiriirka labada dal uu sii kordhayay tan iyo markii Moscow ay billowday duullaanka buuxa ee Ukraine bishii Febraayo 2022 iyada oo laga walaacsan yahay in Pyongyang ay siiso Moscow hub si ay ugu soo celiso khibradda teknolojiyadda Ruushka.
Moscow iyo Pyongyang ayaa iska forgery au sheegashooyink is-dhaafsiga hunks balse waxa ay balan qaadeen in ay sare u qaadi doonaan xiriirka milatari. Putin iyo Kim waxay ku kulmeen bariga Ruushka bishii Sebtembar 2023-kii.
GAROWE ONLINE
