Ireland oo 70 Milyan ka badan ku bixinaysa Cilmi baarista
-
- Posted On 29-11-2023, 04:25AM
Dublin-Dowlada wadanka Ireland ayaa ku dhawaaqday in 70 Milyan oo Euro ay ku biirinayso sanduukha kala dhaxeeyo Ingiriiska ee kor u qaadista xalalka waara.
Simon Harris Wasiirka Tacliinta Sare hal Abuurka iyo Cilmi Baarista ee Ireland ayaa sheegay in ay kharashkaasi ku bixin doonaan cilmi baarista la xiriirta Cunada iyo Isbedelka Cimilada.
Dalka Boqortooyada Ingiriiska iyo Ireland ayaa horey uga wada tirsanaa Midawga Yurub balse tan iyo intii uu ka baxay wali waxaa joogto ah xiriirka soo jireenka ah ee labadaasi wadan ka dhaxeeya.
Heshiisyo uu kamid yahay kan isku socodka xorta ah ayaa ka dhaxeeyo labada wadan iyada oo sidoo kale shaqaalaha iyo waxbarashadana ay wax badan wadaagaan.
Dunida ayaa la hardamaysa xakamaynta isbedelka Cimilada iyada oo dalalka horumaray ee wax soo saarka leh ay Warshahadahoodu kusii daayaan hawada sare, Qiiq faro badan kaasi oo dalalka ku dhibtooda ay kamid yihiin kuwa soo koraya.
GaroweOnline.
