Israa'iil oo In ka badan 142 ruux ku dishay Gaza 24-saac gudaheeda

Falkan ayaa waxa uu imaanayaa xilli "xaalad ka baxsan bini'aadantinimada" laga soo sheegayo dhulka Falastiin.

DOOXA, Qadar - In ka badan 142 ruux kale oo Falastiiniyiin ah ayaa la sheegay in lagu dilay 278 kalena lagu dhaawacay weerarro Israa’iil ay ku qaadday Qaza 24-kii saac ee u dhexeeyay Khamiistii iyo galabnimadii Jimcaha, sidda uu sheegay xafiiska Qaramada Midoobay ee isku-dubbaridka arrimaha bini'aadantinimada (UNOCHA).

Helitaanka biyaha la cabbo ayaa sidoo kale "soo yaraanaya maalin kasta" gudaha dhulka Falastiiniyiinta iyada oo ay jirto waxa Ururka Caafimaadka Adduunka uu ku tilmaamay "xaalado nololeed oo bini'aadantinimo ka baxsan" iyo faafitaanka cudurrada, oo ay ku jiraan xaaladaha la xaqiijiyay ee cagaarshow A.

UNOCHA waxa kale oo ay sheegtay in millatariga Israa’iil ay burburiyeen Jaamacadda Israa’iil oo ku taalla Az-Zahra, oo ku taalla koonfurta magaalada Gaza, ka dib markii ay ciidammada Israa’iil xeradaas u isticmaaleen muddo 70 maalmood ah oo ay saldhig ka dhigteen iyo “xarun ku meel gaar ah oo lagu su’aalo maxaabiis Falastiiniyiin ah ka hor inta aan loo gudbin meel aan la garanayn”.

Warbixinta Qaramada Midoobay laguma sheegin sababta Jaamacadda ay u burburiyeen Israa’iiliyiinta.

Ilaa Khamiista, 1.7 milyan oo falastiiniyiin ah ayaa lagu qiyaasay inay ku barakacsan yihiin Qaza, iyadoo ku dhawaad ​​hal milyan lagu tuujiyay aagga Rafah oo "aad u camiran", ayay tiri Qaramada Midoobay.

GAROWE ONLINE