Israa’iil oo sheegtay inay duqeyn doonto baabuur walba oo gargaar u sida Qassa

QASSA - Ilaha warbaahinta Israa’iil ayaa tilmaamay in Israa’iil ay uga digtay Masar inay wax gargaar ah u soo dirto Qassa, waxayna ku hanjabtay inay beegsan doonto gargaar kasta.

Channel-ka 12-aad ee Israa’iil ayaa sheegay in Israa’iil ay ku wargelisay Masar in ay duqayn doonto baabuur kasta oo mucaawino u sidda Qassax oo mara marinka Rafah.

Qaramada Midoobay iyo hay’adaha kale ee gargaarka ayaa Masar kala hadlay sidii gargaar bini’aadantinimo loogu diri lahaa Marinka Qassa ee go’doonsan, iyadoo loo marayo Rafah, sida lagu sheegay warbixin ay daabacday wakaaladda wararka ee AP.

Warbixintu waxa ay sheegtay in maamulka Masar ay la xiriireen Israa’iil iyo Maraykanka si loo sugo marinnada bini’aadantinimo ee Qassa xilli ay sii socdaan duqeymaha ay Israa’iil ka waddo Marinka.

GAROWE ONLINE