Jiir "fashiliyey" 71 qaraxyo oo shaqada ka fariistay
-
WARIYAHA CAALAMKA GAROWE ONLINE
- Posted On 06-06-2021, 06:02AM
PHNOM PENH, Combodia - Magawa waa magaca jiirkan ay adeegsadaan ciidamadda Combodia. Todoba sano jirkan asal ahaan kasoo jeeda Tanzania wuxuu hada ka fariisanayaa xirfad uu abaalmarin ku helay.
Dooligan ay tababartay shirkada samafalka reer Belgium ee APOPO ayaa la sheegay in uu caawyey ka hortagida miinooyin lagu aasay dhul cabirkiisu dhan yahya 225,000 laba jibaar una dhigma 42 garoon kubada cagta.
Intii uu shaqadan ku guda jiray oo ah shantii sano ee lasoo dhaafay, Magawa oo bilada dahabka ku guuleystay sanadkii lasoo dhaafay ayaa la sheegay in uu baarey 71 qaraxyo ah kana hortagay 38 walxo aan qarxin ah.
Michael Heiman, oo ah maamulaha barnaamijka samafalka ee Cambodia, ayaa Sabtidii u sheegay wakaalada wararka ee AFP in go'aanka uu shaqada kaga fariisanayo Magawa uu ka dhigan yahay in uu "aad u daalay".
"Waxa ugu fiican ee la sameeyo ayaa ah inaan isaga fariisto," ayuu yiri Heiman. "Magawa wuxuu waqti badan ku bixin doonaa in uu u sameeyo wuxuu jecel yahay - cunista mooska iyo lawska," ayuu sii raaciyay Heiman.
Hay'adda samafal ayaa Magawa waxay ku tababartay waddanka Tansaaniya si uu u ogaado waxyaabaha kiimikada ku dhex jira waxyaabaha qarxa iyada oo ku abaal marisay daaweyn macaan.
Sannadkii 2016, waxaa loosoo qaadey magaalada ku taala waddanka Cambodia waqooyi-galbeedkiisa ee ah Siem Reap, halkaasoo ah meel caan ku ah macbudyo Angkor ah, si uu u bilaabo shaqadiisa bambo urinta.
Bishii Sebtember ee sanadkii hore jiirku wuxuu ku guuleystey xayawaan u dhigma sharafka ugu weyn ee rayidka ee Britain geesinimada sababtoo ah xirfad uu u leeyahay soo saarida miinooyinka iyo walxaha qarxa.
Xayawaankan wuxuu ahaa jiirkii ugu horreeyay ee hela billadda PDSA muddo 77-dii sano gudahooda ah, isaga oo ku biiraya kooxaha caanka noqdey ee kamid ah duurjoogta ee shaqooyinka aan looga baran kasoo dhalaalay.
Magawa, oo dhashay 2014, wuxuu ku wareegi karaa aag cabirkiisu yahay garoonka lagu cayaaro teniska kaliya 30 daqiiqo, wax afar maalmood qaadan doona iyadoo la adeegsanayo qalabka baarista birta caadiga ah.
GAROWE ONLINE
