Kuuley u dhaxeysay nolol iyo geeri oo lasoo badbaadiyey
-
WARIYAHA ARRIMAHA CAALAMKA
- Posted On 27-05-2019, 02:16PM
VIENNA, Austria – Kuuley ay qoorta u gashay albaab ku yaala wadanka Austria ayaa waxaa soo badbaadiyey dambiyeyaal, iyaga oo adeegsanaya qalab culus.
Xayawaanka ayaa waxaa qabsatay qeyb kamida kala barka iridka xili ay isku deyaysay in ay ka talaabto.
Kooxda dab-damiska ee magaalada Graz oo isticmaalaya qalabka biraha lagu jarayo ayaa si fudud ku gooyey kadibna kasoo saarey Xidig-dhuleedkan.
Mas'uuliyiinta oo sawirada dhacdadaan ku faafiyey baraha bulshadda ayaa shaaciyey in xayawaanka aysan wax dhibaato/dhaawac ah soo gaarin.
Kuuleyda ayaa waxaa lagu wareejiyay ururka xayawaanada wadankaasi si baaritaano caafimaad loogu sameeyo, kadibna loo xanaaneeyo.
Sheekadaan ayaa waxaa aad u hadal-hayey dadweynaha wadankaasi ku nool, maadaama ay tahay wax dhif iyo naadir ah.
Bilooyin kahor ayay ahayd markii dab-damiyeyaasha Jarmalka ay soo badbaadiyeen Dooli [Jiir] oo uu ku degay albaabka wadooyinka dhexdooda ku yaala ee bulaacadaha loo sameeyo.
GAROWE ONLINE
