Kuuriyada Waqooyi oo ka digtay dagaal nukliyeer ah
-
GAROWE ONLINE XAFIISKA MUQDISHO
- Posted On 26-09-2023, 07:57PM
NEW YORK - Kuuriyada Waqooyi ayaa uga digtay Qaramada Midoobay in gacanka Kuuriya ay wajaheyso khatarta ah in uu ka qarxo dagaal nukliyeer ah, iyada oo ku sababaneysa falalka uu ku kacayo Maraykanka.
Wakiilka Kuuriyada Waqooyi ee Qaramada Midoobay, Kim Sung, ayaa ka sheegay golaha loo dhan in Mareykanka oo u horseedayo gacanka dagaal nukliyeer ah markii la eego falalkii gurracan oo sanadkii hore geystay.
Kim Sung waxa kale oo uu cambaareeyay tillaabooyinka uu qaaday madaxweynaha Kuuriyada Koonfureed Yoon Suk-yul, kaas oo ka shaqeeyay xoojinta iskaashiga Washington iyo Japan.
Wakiilka ayaa hadaladan ku dhawaaqay isla maalintii uu xoghayaha guud ee Qaramada Midoobay Antonio Guterres ka digay tartan cusub oo hubka Nukliyeerka ah.
GAROWE ONLINE
